Dariya dariya zindagi
Dariya har ik khwaab hai
Mera koi kinaara nahi
Samundra mera gulaam hai

Kahin sahej leta hu
Kai rom apne daaman mei
Kahin cheer kar rakh deta hu
Kai kankar apne aahvano se

Samay ka pravah
Kabhi mujhse tez nahi
Mai rond kar rakh deta hu
Takraar ka gurez nahi

Dariya dariya zindagi
Dariya har ik khwaab hai
Mera koi kinaara nahi
Samundra mera gulaam hai

Meri gati ka
Mujhi ko koi ehsaas nahi
Kam kar sake tej mera
Suraj mei voh dusshaas nahi

Mera pata toh har waqt
Zameen ke paas hai
Pahado ki santaan hu
Aagosh mei aakash hai

Sabhi ka mai mitra hu
Kisi ka khaas nahi
Jo baat kare satya ki
Usi ka mai paatr hu

Rukta nahi baandhon se
Dabta nahi navon se
Mera seena apaar hai
Brahmand bhi lachaar hai

Dariya dariya zindagi
Dariya har ik khwaab hai
Mera koi kinaara nahi
Samundra mera gulaam hai